79 повредени во судир на возови во Словачка

Вкупно 79 лица се повредени во судир меѓу два патнички воза во близина на словачкиот главен град Братислава, соопштија денес властите.

Ниту едно од лицата вклучени во несреќата, која се случи синоќа, не е во животно загрозувачка состојба. Повредените се однесени во болници, соопштија службите за итна медицинска помош.

Прелиминарните извештаи укажуваат дека регионален воз го занемарил знакот за запирање и преминал на пругите кон Братислава, каде што се судрил со брз воз, соопшти железничката компанија ЗСР.