Банките за половина година направиле профит од 150 милиони евра во Македонија

Трите најголеми банки по актива во Македонија: Комерцијална, Стопанска и НЛБ банка оствариле две третини од вкупната добивка во банкарскиот сектор. Но, добивката на Стопанска и НЛБ банка била малку помали отколку во првото полугодие од 2024 година.

Во првите 6 месеци од годинава, банкарскиот сектор го наградил свето работење со нето-профит од 150 милиони евра. Во истиот период лани, тие заедно направиле профит од 155 милиони евра, што значи годинава засега потфрлиле со 5 милиони евра.

Спротивно на овие податоци, банките истовремено имале и раст на кредитирањето и на вложувањето. Последните податоци за јули на Народната банка покажуваат идентичен раст и на кредитирањето и на депозитите, тие за една година се зголемиле по 13 проценти! Така вкупните депозити на граѓаните и на фирмите сега се околу 10 милијарди евра, додека вкупниот износ на кредитите е 8,5 милијарди евра.

Гувернерот Трајко Славески го запали алармот во однос на провизиите на банките. Според најавите неколку банки веќе се согласиле да ги намалат провизиите. За 6 месеци годинава, банките од провизии наплатиле 93 милиони евра, додека од камати собраните од 294,8 милиони евра.

Трите најголеми банки по актива во Македонија: Комерцијална, Стопанска и НЛБ банка оствариле две третини од вкупната добивка во банкарскиот сектор. Но, добивката на Стопанска и НЛБ банка била малку помала отколку во првото полугодие од 2024 година.

Комерцијaлна банката го заокружи првото полугодие од 2025 година со значителен финансиски успех, остварувајќи позитивен резултат од 48,3 милиони евра, или 2 милиони евра повеќе отколку во првото полугодие од 2024 година, покажува неревидираниот финансиски извештај објавен на Македонската берза.

Вкупните приходи од камата на Банката се 55,4 милиони евра, а вкупните надоместоци им биле 19,6 милиони евра. Истиот период лани, вкупните приходи од камати биле малку помали и изнесувале 54,48 милиони евра, а надоместоците изнесувале 19,1 милиони евра.blob:https://objektivno24.mk/6a265520-b603-48f2-9a72-5e3a8fbd7451Report Ad

Стопанска банка е втора по големина и за првите 6 месеци од годинава направила профит од 28,4 милиони евра. Банката ја направила добивката благодарение на приходи од камати од 55,7 милиони евра и приходи од разни надоместоци и провизии во износ од 13 милиони евра. Лани, во истиот период заработката им била малку поголема и изнесувала 29 милиони евра, благодарение на приходи од камати, кои исто така биле малку поголеми и изнесувале 56 милиони евра, но имале малку помалку пари од провизиите – 12,9 милиони евра.

Во билансот на успех на НЛБ банка е запишана добивка од 26,2 милиони евра, за разлика од првото полугодие од 2024 година, кога таа изнесувала 26,7 милиони евра.
Вкупните приходи од камата што се реализирани во првото полугодие од годинава се 45 милиони евра и се за 2,7 милиони евра поголеми од истиот период лани. Вкупните надоместоци и провизии наплатени во првото полугодие од годинава изнесувале 19 милиони евра, а лани во истиот период биле 19,7 милиони.

На својата последна седница, Советот на Народната банка усвои четири значајни одлуки насочени кон зајакнување на системот за заштита на потрошувачите, коишто треба да обезбедат поголема транспарентност, фер практики и ефикасно постапување по поплаките на граѓаните од страна на банките и штедилниците, како и соодветни контролни механизми од страна на Народната банка во оваа област.

Со Одлуката за обезбедување јасни, релевантни и навремени информации за производите и услугите, којашто беше усвоена од Советот, се воведува задолжителна обврска за банките да обезбедуваат точни, разбирливи и навремени информации на потрошувачите, особено пред склучувањето договори за кредити и депозити. Информациите треба да дадат јасни насоки во однос на основните придобивки, ризиците и условите за користење на производот или на услугата, вклучително и за трошоците поврзани со финансиските производи и услуги. Се усвои и Одлука за обезбедување фер и транспарентен пристап при склучување и примена на договорите со потрошувачите; Одлуката за воспоставување систем за прием, евиденција и правично постапување со поплаките на потрошувачите и Одлуката за начинот на вршење контрола над работењето на финансиските институции во доменот на заштитата на потрошувачите.