Листа на градови со најмногу сончеви часови во Европа 

Картахена е најсончевиот град во Европа. Или барем тоа го покажа истражувањето на онлајн платформата за изнајмување сместувачки капацитети Holiday, која анализираше податоци од World Weather Online.

Се покажа дека овој историски пристанишен град на југот на Шпанија има просечна температура од 19,1 степени Целзиусови и 283 сончеви часови месечно, или околу 3.396 часа годишно.

Не само што Картахена се најде на врвот на листата на најсончеви градови во Европа, туку седум шпански градови се меѓу првите 10 – Аликанте на второто место, Малага на третото место, Мурсија на четвртото место, Гранада на петтото место, Севиља на седмото место, Кордоба на осмото место и Мадрид на десеттото место.

Единствените два града меѓу 10-те најсончеви во Европа кои не припаѓаат на Шпанија се италијанската Катанија на шестото место и францускиот Марсеј на деветтото место.

Ако погледнете малку поширок список на 30-те најсончеви градови во Европа, местата се резервирани за градови лоцирани во Италија, Франција, Португалија и Грција.

10-те најсончеви градови во Европа според листата на платформата Holido:

Картахена, Шпанија – 283 сончеви часови месечно
Аликанте, Шпанија – 279,6 сончеви часови месечно
Малага, Шпанија – 279,3 сончеви часови месечно
Мурсија, Шпанија – 277 сончеви часови месечно
Гранада, Шпанија – 274 сончеви часови месечно
Катанија, Италија – 273,7 сончеви часови месечно
Севиља, Шпанија – 273,4 сончеви часови месечно
Кордоба, Шпанија – 268 сончеви часови месечно
Марсеј, Франција – 266 сончеви часови месечно
Мадрид, Шпанија – 265 сончеви часови месечно