Пројковска ќе суди натпревари на Копа Америка за жени 

Како што објави организацијата КОНМЕБОЛ Копа Америка, вкупно 33 судии (11 главни и 22 помошници) беа избрани да ги судат фудбалските натпревари на турнирот Копа Америка во женска конкуренција што ќе се одржи во Еквадор.

Тие ги претставуваат 10-те асоцијации-членки на КОНМЕБОЛ, а поканети се и судии од УЕФА.

Ново големо признание за македонската судијка Ивана Пројковска која ќе биде единствената од Европа како главен судија, а нејзини помошници се Џулијана Темпестили и Ирагарце Фернандез.

Овој турнир ќе се организира во периодот од 12 јули до 2 август и ќе се одиграат вкупно 25 натпревари.

Во групата А се репрезентациите на Еквадор, Аргентина, Чиле, Уругвај и Перу, а во групата Б се селекциите на Бразил, Колумбија, Парагвај, Венецуела и Боливија.

Првопласираните две репрезентации од секоја група ќе обезбедат пласман во полуфиналето, а третопласираните ќе се соочат во натпревар за петтото место.