Огнен Стефановски повторно го урна државниот рекорд во седмобој

Македонскиот атлетичар, Огнен Стефановски за 20-тина дена двапати го подобрува националниот рекорд во седмобој, ова тоа се случи во Хрватска каде освои 4879 поени.

Со овој резултат тој го подобри сопствениот рекорд за 67 поени и ја потврди големата форма во која се наоѓа.

Тој пред само неколку недели, односно на 20 јануари во Србија првпат го урна рекордот со 4812 поени.

Пред точно една година сруши и еден од најстарите рекорди во македонската атлетика и тоа во скок со стап, кога прескокна 3,65 метри и го собори дотогаш најдоброто остварување од 1969 година.