Ова се новите имиња на министрите за техничката влада од редовите на ВМРО-ДПМНЕ 

Потврдени се новите имиња на министрите за техничката влада од редовите на ВМРО-ДПМНЕ. Панче Тошковски ќе биде министер за внатрешни работи, а Ѓоко Велковски ќе го предводи министерство за труд и социјална политика во техничка Влада предводена од Талат Џафери.

Тошковски е адвокат, а во рамки на партијата е претседател на Комисијата за правни прашања. За разлика од него, Велковски беше генерален секретар во Град Скопје, а неодамна беше разрешен од градоначалничката Арсовска.

За во Министерството за информатичко општество и администрација потврдено е името на Стефан Андоновски. Тој е Секретар за меѓународна соработка на ВМРО- ДПМНЕ и член на Советот на Град Скопје. Истовремено е член и на партиските органи на ВМРО-ДПМНЕ.
За во Министерството за финансии потврдено е името на Елена Петрова.

Додека во Министерството за земјоделство, шумарство и водостопанство ќе биде Цветан Трипуновски.