Ѓоковиќ нема да настапи на турнирот во Мајами поради повреда

Српскиот тенисер Новак Ѓоковиќ нема да учествува на турнирот во Мајами, САД, кој започнува во среда.

Причината за откажувањето е повреда на десното рамо, официјално потврди АТП на својата официјална веб-страница.

Ѓоковиќ го освои турнирот во Флорида шест пати, а минатата година играше во финалето, кога беше поразен од Чехот Јакуб Меншик.

Српскиот ас ќе изгуби 650 поени на АТП листата, колку што носи пласманот во финалето на овој Мастерс.

Ѓоковиќ го држи рекордот за најмногу титули на АТП Мастерс 1000 со 40 и има освоено 101 трофеј на ниво на турнејата, а последен пат триумфираше минатиот ноември во Атина, Грција.