Шолц: Верувам дека со Трамп ќе најдам решение за Украина

Германскиот канцелар Олаф Шолц е уверен дека ќе може да се договори со новоизбраниот претседател на Соединетите Американски Држави Доналд Трамп за заедничка стратегија за Украина, порача Шолц.

„Уверен сум дека можеме да развиеме нова заедничка стратегија за Украина. Мојот главен принцип останува дека ништо не може да се одлучи без гласот на украинскиот народ“, кажа Шолц во интервју.

Тој додаде дека со следниот претседател на САД телефонски разговарал „детално“, и дека неговиот тим е во директна комуникација со советниците за безбедност на Трамп.

Украина станува главно прашање во кампањата за предвремените избори во Германија во февруари, а кои следат по минатомесечниот распад на трипартиската владејачка партија во Берлин.

Фридрих Мерц, конзервативниот опозициски лидер за кој се смета дека ќе го смени Шолц, кажа дека Германија треба да му испрати крстосувачки ракети „таурус“ на Киев, на што Шолц се противи поради тоа што ќе го ескалира конфликтот.

Шолц во понеделникот во Киев најави нова воена помош за Украина, порачувајќи дека тоа е порака до рускиот претседател Владимир Путин дека Берлин ќе стои со Киев колку што ќе биде потребно во војната.