Хуманитарни предновогодишни настани за децата на Детската клиника

Членовите на Тимот маскирани во костими на омилените супер херои од цртаните филмови, ќе се спуштаат по јаже и ќе им поделат новогодишни подароци на децата.

На Клиниката за детски болести при Клиничкиот центар Мајка Тереза – Скопје денеска ќе се одржат два предновогодишни настани.

Тимот за спасување на планина, како дел од Тимот за одговор при катастрофи на Црвениот Крст на град Скопје, со почеток во 10:30 часот ќе организира показна вежба со наслов „Да подариме насмевка“ за сите хоспитализирани деца на Клиниката.

Членовите на Тимот маскирани во костими на омилените супер херои од цртаните филмови, ќе се спуштаат по јаже и ќе им поделат новогодишни подароци на децата.

Станува збор за традиционална манифестација што секоја година се одржува во пресрет на новогодишните празници.

Во меѓувреме, во 11 часот, од последната автобуска станица број 5 во населбата Лисиче ќе почне хуманитарната поворка „АТВ/УТВ Дедомразовци“. Конвојот со мотори четирицикли ќе се движи низ Ново Лисиче, Аеродром и Центар, за да стигне до Детската клиника, каде што ќе им подели новогодишни пакетчиња на дечињата од Детската клиника.