Трамп повторно повика Канада да стане „51 држава“ 

Претседателот на САД, Доналд Трамп денеска повторно повика Канада да стане американска држава, дополнително зголемувајќи ги тензиите со еден од најблиските сојузници на неговата земја, откако ја погоди со високи царини.

Иако тврдеше дека САД плаќаат „стотици милијарди долари за да ЈА СУБВЕНЦИРААТ Канада“, очигледно мислејќи на трговскиот дефицит на САД со својот сосед, Трамп објави „без оваа огромна субвенција, Канада престанува да постои како остварлива земја“.

„Затоа, Канада треба да стане нашата негувана 51-ва држава“, напиша тој на Truth Social тврдејќи дека потегот ќе донесе „многу пониски даноци и многу подобра воена заштита за народот на Канада – „И БЕЗ ЦАРИНИ!“.