Тело на 34-годишен маж најдено под Железниот мост во Велес

Човечки труп на 34-годишен маж денеска е најден под Железниот мост во населбата Дворови во Велес, информираат од Секторот за внатрешни работи Велес.

Полициски екипи извршиле увид на местото, а била повикана и Итна медицинска помош.

Според првичните информации од Основното јавно обвинителство (ОЈО) Велес, на местото на настанот била јавната обвинителка Анастасија Миланова. На телото на пронајдениот мртов 34-годишен маж, како што соопштуваат од ОЈО Велес, немало траги на насилство.

„Станува збор за велешанец роден 1990 година, а неговото тело лежело на земјена површина под мостот на скоро средина од должината на железната конструкција. Во првичните информации можам само да соопштам дека на телото на 34-годишниот маж нема траги на насилство ниту убодни рани“, вели Цветанка Богоевска, основен јавен обвинител за подрачјето на Велес во изјава за МИА.