Следуваат нови мерки против големата кашлица

Од Комисијата за заразни болести за в вторник најавуваат дека ќе предложат нови мерки откако денеска на Детската клиника беше хоспитализирано осуммесечно доенче со пертусис во стабилна состојба. Тоа е невакцинирано, но е задржано за следење на состојбата.

Се очекува Комисијата за заразни болести да даде препорака до Државниот здравствен и санитарен инспекторат да ги задолжи градинките да се направат списоци на вакцинирани и невакцинирани деца и да забранат прием на невакцинирани деца.

Според последниот извештај на Институтот за јавно здравје досега се регистрирани 56 случаи на голема кашлица, од кои дури 54 се во Скопје. Најголем број се во општините Аеродром, Карпош и Центар.