Силно невреме, пороен дожд и многу електрични празнења вечерва во Скопје 

Краткотрајно невреме со пороен дожд и многу електрични празнења го зафати Скопје.

Претходно од УХМР најавија дека вечерва се очекува нестабилна облачна маса од запад се приближува кон Скопската Котлина и градското подрачје.

Утре во утринските часови времето ќе биде променливо облачно со слаб локален дожд.

Преку денот сончево со мала до умерена облачност. Ќе дува умерен, а во источните делови и вдолж Повардарието засилен северен ветер. Минималната температура ќе биде во интервал од 10 до 17, а максималната од 19 до 26 степени.

Во Скопје, сончево со мала до умерена облачност и со умерен до засилен северен ветер. Минималната температура ќе биде околу 15, а максималната ќе достигне до 24 степени.

Во понеделник ќе има локални врнежи од дожд, а потоа следува период на стабилно време со умерен, повремено засилен ветер од северен и северозападен правец, информираа од Управата за хидрометеоролошки работи.