Се урна авион во Авганистан – летал од Индија за Москва 

Полицијата во северен Авганистан примила извештаи за авионска несреќа во провинцијата Бадакшан, изјави во неделата портпарол на провинциската полиција.

Според Ројтерс, портпаролот на локалната полиција во соопштение изјави дека несреќата се случила во текот на ноќта во оддалечениот, планински регион Бадакшан на крајниот север на Авганистан.

Авганистанската полиција не го потврди типот на леталото, причината за несреќата или жртвите, а руската контрола на летање објави дека се работи за авион Dassault Falcon 10 кој превезувал шест лица на летот од Индија до Москва.