Селекторот Лазаров го објави поширокиот список ракометари за Европското првенство 

Селекторот на Македонија, Кирил Лазаровго објави поширокиот список на ракометари кои ќе конкурираат за настап на Европското првенство во јануари.

На списокот на Лазаров се најдоа 35 ракометари од кои на крајот ќе се состави конечниот список на играчи кои ќе настапат на собирот на најдобрите континентални селекции. Изненадување на списокот е ракометарот Николас Најденовски кој е роден 2006 година (17) и во минатото настапувал за младинските категории на Шведска.

Македонија на Европското првенство ќе игра во група со Франција, Германија и Швајцарија.