Почна жетвата на оризот, производителите незадоволни од откупната цена

Комбајните влегоа во нивите, почна жетвата на оризот.

Но, оризопроизводителите разочарани и револтирани и годинава нема да имаат ќар.

Откупната цена е од 22 до 25 денари и е пониска за два денари од производствената цена.

Според пресметките на оризопроизводителите трошоците за жетва се зголемени од 30 до 40 % во споредба со лани. Првите ожнеани ниви дадоа просечна реколта.

Кочанските оризопроизводители ги активираат протестите, на 11 октомври повторно ќе излезат со својата механизација на четири локации.