ОТКАЖАНИ И ПРЕНАСОЧЕНИ ЛЕТОВИ: Густа магла го отежнува воздушниот сообраќај во Македонија 

Откажани  се летови, а други се пренасочени кон Приштина. Густа магла го отежнува воздушниот сообраќај во Македонија. 

Од утрово до 10 часот, два летови се откажани, два се пренасочени кон Приштина, а еден успешно слетал со задоцнување.

Пренасочени се авионите од Милано и Франкфурт, додека откажани се летовите од Србија и Истанбул.

Ова не е прв пат скопскиот аеродром да има проблеми со слетување и полетување на авиони поради густа магла.