Никола Серафимов е во идеалниот тим на сезоната во Унгарија (ФОТО) 

Македонскиот репрезентативец, Никола Серафимов доби место меѓу најдобрите 11 за изминатата сезона во унгарското првенство. 

Серафимов кој за македонската А репрезентација дебитираше на мечот против Гибралтар, се најде во тимот на сезоната во Унгарија.

 Македонскиот дефанзивец е член на Залаегерсег, имаше одлична сезона и со игрите го привлече вниманието и на поголеми клубови, па не се исклучува можноста за трансфер уште во ова лето. 

Во текот на сезоната тој неколкупати беше избиран во идеалниот тим на колото, а признанието со кое се најде во тимот на сезоната е јаготка на шлагот за неговите добри игри. 

Во тимот се најде уште едно познато тиме, тоа е поранешниот играч на Вардар, Јасир Асани кој настапуваше и за младинските репрезентации на Македонија, но на крајот реши да игра за Албанија. Тој е член на Кишварда.