Кои се трите најсреќни знаци според древниот египетски хороскоп?

За старите Египќани ѕвездите биле навистина посебни, па погледнете дали припаѓате на знаците кои според нивниот хороскоп имаат среќна судбина.

Египетскиот хороскоп се состои од знаци кои се сосема различни од класичните знаци на Зодијакот на кои сме навикнати во западната астрологија.

Египетскиот хороскоп зборува за посебните вредности и карактеристики на знаците, а три се издвојуваат по нивната среќна судбина и личност.

НИЛ (родени од 1 до 7 јануари, од 16 до 28 јуни, од 1 до 7 септември и од 18 до 26 ноември)

ГЕБ (родени од 12 до 28 февруари и од 20 до 31 август)

ХОРУС (роден од 20 април до 8 мај и од 12 до 19 август)

Што вели египетскиот хороскоп за нив?

НИЛ (родени од 1 до 7 јануари, од 16 до 28 јуни, од 1 до 7 септември и од 18 до 26 ноември)

Нил е првиот знак на египетскиот хороскоп и претставува нов почеток и позитивни животни промени. Овој знак е симбол на плодноста и успехот, а луѓето кои го носат имаат многу мирна енергија и природа. Нивната предност е што ја негуваат љубовта кон себе. Не сакаат конфликти и секогаш се трудат да го задржат мирот околу себе. Тие често се водени од страсти, но колку се пострасни, толку се помудри. Тајната на нивниот успех е во тоа што тие вешто го набљудуваат светот околу себе и тоа искуство го користат за да ги планираат своите активности во иднина. Тие се многу практични, но и паметни. Имаат развиена харизма и лесно привлекуваат луѓе околу себе. Сакаат материјална сигурност и заслужени награди, но веруваат и дека помагањето на другите е предуслов за добар живот.

ГЕБ (родени од 12 до 28 февруари и од 20 до 31 август)

Според легендата, Геб бил древниот египетски бог на земјата, а луѓето родени во овој знак имаат добро срце, емотивни се и одржуваат контакт со чувствата и потребите на другите луѓе. Тие се многу интуитивни и внимаваат на личниот духовен развој, па понекогаш, бидејќи се имагинативни и мистични, може да изгледаат како да се затворени во себе. Заштитнички се настроени, а нивната харизма и посветеност ги прават идеални партнери во љубовта. Генерално имаат богат социјален живот, добри односи со семејството и пријателите. Иако се многу чувствителни, тие знаат да ја задржат присебноста и тактичноста. Во нивните кариери ја комбинираат духовната свест со интелектот, а најмногу им одговараат работните места поврзани со пишување, предавање и советување.

ХОРУС (родени од 20 април до 8 мај и од 12 до 19 август)

Во древната египетска митологија, Хорус ги симболизира ѕвездата и небото и е симбол на соколот. Родените во овој знак се многу храбри и подготвени да ризикуваат. Имаат многу харизматична личност и се мотивирани од успехот и испробувањето нови работи. Не дозволуваат стравот од неуспех да ги одврати од остварување на нивните соништа. Тие се оптимисти и се трудат да ја исполнат сопствената мисија во животот. Тие се лидери кои се добри во мотивирање и инспирација на другите. Имаат многу енергија да инвестираат во своите амбиции и семејството. Тие имаат љубезна, нежна природа и се трпеливи слушатели. Лесно можат да дојдат до решенија за многу предизвици и како пријатели тие се идеални советници. Ја сакаат сигурноста и ќе направат сѐ што е потребно за секогаш да ја имаат.