ИМА ЧИСТ ВОЗДУХ И ВОДА: По што друго е познат Гренланд?

Гренланд е остров со 150 километри патишта, три семафори и најчист воздух во светот. Островот има и чиста вода. 

На Гренланд животот на Арктикот го делат Инуитите и потомците на скандинавските доселеници повеќе од еден милениум.

Островот со векови бил управуван од Данска, а мнозинството Гренланѓани не избрале поголема автономија на референдумот во 2008 година, па сега и официјално е данска автономна територија.

Дури 80 отсто од земјиштето на Гренланд е покриено со мраз, а обработливото земјиште сочинува помалку од 1 отсто од островот. Ледената покривка на Гренланд е втора по големина во светот, надмината само со ледената покривка на Антарктикот. На некои места дебелината на ледената покривка е повеќе од 3 и пол километри.

Целиот североисточен Гренланд е национален парк – најголем во светот по површина. Основан 1974 година и заштитен до сегашниот обем од 1988 година тој е засолниште за дивиот свет на Арктикот и пристапот мора да биде дозволен од владата на Гренланд.

Археолозите пронајдоа докази за живеење луѓе на Гренланд, кои датираат пред 4.500 години.

Гренланд е дом на нешто помалку од 60.000 луѓе и не е тешко да се види, дури и без математика, дека тоа е едно од најретко населените места на Земјата, со приближно 0,03 луѓе на квадратен километар.

Главниот град Нук има приближно 17 илјади жители и многу карактеристики на модерните западни градови, но и некои гренландски особености. Еден од нив се, секако, продавниците од игла до локомотива, но со арктички знак. Повеќето од жителите живеат во градовите на попријатниот западен брег.