Ивана Пројковска ќе биде дел од финалето во женската Лига на шампиони 

Најдобрата македонска фудбалска судијка, Ива Пројковска е назначена да биде дел од судискиот тим за финалето од женската Лига на шампиони.

Пројковска редовно добива задачи во женската Лига на шампиони, а сега ќе биде четврти судија во финалето меѓу Арсенал и Барселона.

Главна судијка ќе биде Ивана Мартиниќ од Хрватска, а ќе ѝ помагаат сонародничките Родјаки-Каршиќ и Маја Петровиќ.

Финалето се игра на 24 мај со почеток од 18 часот на стадионот „Жозе Алваладе“ во Лисабон.