Државниот инспекторат со само една кривична пријава за загадување во 2022 година 

Палење на трска во Охридското Езеро е единствен случај во кој Државниот инспекторат за животна средина поднел кривична пријава во изминатава година, вели директорот на ДИЖС Сретен Стојковски во неделното интервју на Радио Слободна Европа. Другите постапки за загадувачите биле прекршочни.

Се очекува одлука на инспекторите дали ќе одат со прекршочна или со кривична пријава во случајот со опасен отпад во скопската населба Ѓорче Петров, каде нелегално бил остранет над 500 тони отпад од топени акумулатори. 

Се уште се чекаат конечните резултати за случајот со опасниот отпад во населбата Ѓорче Петров, каде шест месеци се складирал стотици тони опасен отпад од топени акумулатори.