Доминација: Топ осум најгледани натпревари во историјата на Евролигата се на Партизан 

Кошаркарите на Партизан доминираат на листата најгледани натпревари во Евролигата.

Екипата на Жељко Обрадовиќ овој петок против Олимпијакос направи голем исчекор кон пласманот во топ осум тимови во елитното кошаркарско натпреварување. Но, овој натпревар ќе биде запаметен и по друга бројка.

Со 20.003 посетители на трибините, натпреварот од последното коло во Евролигата стана најгледаниот натпревар оваа сезона. Исто така овој натпревар е и на шестото место во конкуренцијата натпревари со најголема посета во историјата на најелитното европско кошаркарско натпреварување.

Она што е посебно интересно е што првите осум места за натпревари со најголема посетеност ги држи токму Партизан.

НАЈГЛЕДАНИ НАТПРЕВАРИ ВО ИСТОРИЈАТА НА ЕВРОЛИГАТА

2008/09: Партизан – Панатинаикос (22.567 гледачи)

2013/14: Партизан – Реал Мадрид (21.374)

2009:10: Партизан – Макаби (21.367)

2008/09: Партизан – ЦСКА Москва (21.352)

2009/10: Партизан – Макаби (20.783)

2022/23: Партизан – Олимпијакос (20.003)

2022/23: Партизан – Фенербахче (19.661)

2022/23: Партизан – Макаби (19.011)