Во 2025 година биле вработени 614.334 лица

Бројот на вработените лица во земјава во 2025 година биле 614.334, од кои 330.240 мажи, а 284.094 жени, објави Државниот завод за статистика.

Во 2025 година, во однос на 2024 година, вкупниот број на вработените е речиси непроменет, односно бележи намалување од 0,1 отсто. Тоа е резултат, пред сѐ, на намалувањето на бројот на вработените во секторот преработувачка индустрија за 5,2 отсто.

Од друга страна, пак, зголемување на бројот на вработените е забележано во секторите објекти за сместување и сервисни дејности со храна за 5,5 отсто и административни и помошни услужни дејности за 3,3 отсто.