Видео од „заоѓањето на Земјата“ што астронаут го сними додека кружеше околу Месечината
Астронаутот на НАСА, Рид Вајзман, кој командуваше со мисијата Артемис II околу Месечината, објави спектакуларно видео од „заоѓање на Земјата“ од лунарната страна на социјалната мрежа Икс, прикажувајќи како нашата планета исчезнува од видното поле.
„Како да гледате зајдисонце на плажа од најчудното место во вселената“, напиша Вајзман за видеото, кое го снимил низ прозорецот на вселенското летало Орион. Тој го опиша искуството како „можност што се случува само еднаш во животот“.
Видеото прикажува детали одблизу од површината на Месечината исполнета со кратери.
Вајзман и членови на екипажот, астронаутите на НАСА Кристина Кох и Виктор Гловер, како и канадскиот астронаут Џереми Хансен, беа лансирани кон Месечината на 1 април. Поминаа 10 дена кружејќи околу Земјата, потоа се вратија дома на 10 април, слетувајќи во Тихиот Океан кај брегот на Сан Диего.
За време на мисијата, астронаутите на Артемис II станаа првите луѓе кои со свои очи видоа поголем дел од страната на Месечината која постојано е свртена спротивно од Земјата.
