Ѓоковиќ стигна во Мадрид, но нема да може да настапи на турнирот

Новак Ѓоковиќ нема да настапи на престојниот турнир во Мадрид, причината е повреда, Србинот до последен момент се надеваше дека ќе може да игра, но на крајот сепак одлучи да се откаже.

Ѓоковиќ е во Мадрид, синоќа беше на кошаркарскиот меч меѓу Реал и Црвена звезда. На новинарите им рече дека е неизвесен за настапот на тенискиот турнир, а денеска стигнува информација дека дефинитивно нема да игра.

„Мадрид, за жал нема да можам да се натпреварувам оваа година. Продолжувам со опоравувањето за да се вратам наскоро“, им се обрати Ѓоковиќ на фановите преку социјалните мрежи.