Храната за една година поскапе за 24,3 проценти 

Инфлација од 16 проценти во јули во однос на истиот месец во 2021 година, пресмета Државниот завод за статистика. Она што е особено поразително во бројките се пресметките  за пораст на трошоцитѕе за храна.

Овие трошоци според статистичарите, за една годна се зголемиле дури за 24,3 проценти. Притоа, лебот и житата поскапеле за 36,5 проценти, месото за 21,4 проценти, масла и масти за 51,9 проценти, млеко, сирење и јајца за 23,5 проценти. Голем раст има и цената на ставката “шеќер, мармалад, чоколадо и кондиторски производи“ – 22,2 проценти, како и на кафето, чајот и какаото од 17,5 проценти.

Помало зголемување има кај овошјето кое летово е поскапо за 3,5 проценти, но зеленчукот има повисока цена за дури 23,3 проценти.

Трошоците за електрична енергија се зголемиле за 20,2 проценти, а транспортот поскапел за 24 проценти.