Уште три репрезентативци на Македонија викендов станаа шампиони

Освен Никола Серафимов, уште три македонски репрезентативци станаа шампиони на клупски план овој викенд.

Бајката на Тун од второлигашки тим до шампион на Швајцарија беше комплетирана викендов. Првиот ривал за трофејот Сент Гален загуби од Сион (3-0) и тоа беше доволно за Тун да остане недостижен на врвот. Овој тим минатата сезона играше во втората лига, а сега успеа да седне на швајцарскиот трон.

На трофеј се радуваа и новиот репрезентативец Себастијан Херера, како и искусниот голман Дамјан Шишковски со својот Борац.

Тимот од Бања Лука славеше во дербито со Сараево (0-1) и во 32 коло од Премиер лигата на Босна и Херцеговина математички стана првак. Моментално Борац има 13 бода повеќе од Зрињски, со уште четири кола до крајот на сезоната.