Трајковски нема да игра против Гибралтар, Елмас е неизвесен

Поради повреда Александар Трајковски отпадна од комбинација за утрешниот дуел против Гибралтар, а неизвесен е и Елиф Елмас. 

Македонија утре од 18 часот го пречекува Гибралтар во рамките од четвртото коло во Лигата на нации. Селекторот Милевски вели дека многу од играчите се исцрпени, а Трајковски нема да настапи поради повреда. 

„Александар Трајковски нема да биде во комбинација поради повреда, Елмас е под знак прашалник, имаме неколку играчи кои исто така се неизвесни за настап поради настинка. Голем број од играчите поради распоредот се исцрпени. Искрено, во кој состав ќе истрчаме на терен, ќе мора да почекаме сите заедно да видиме кој ќе биде подготвен. Сите фудбалери конкурираат за настап, што се однесува до Етеми, тој може да дебитира на овој дуел“, изјави селекторот Милевски. Фото: ФФМ