СЛОВЕНИЈА – ЗА ПРВ ПАТ ОБЈАВЕНИ ПОЛИЦИСКИ СНИМКИ ОД НАЈУНИШТЕНИТЕ ОБЛАСТИ: Некои се „избришани“ од мапата
Словенија деновиве се соочи со најтешките поплави во историјата, а зафатени се голем дел од земјата. За прв пат се објавени полициски снимки од најуништените области.
Тешки штети и катастрофални поплави најмногу ги погодија Горна Савињска долина, Корушка и делови од Горење.
Транспортната инфраструктура на многу места е тешко оштетена, многу мостови се уништени, а патните врски до некои места се однесени од излеаните реки. Многу жители останаа без покрив над главата, некои куќи беа целосно однесени од свлечишта.
