Папата разговараше со Нетанјаху
Осудувајќи ја драматичната хуманитарна ситуација во Газа, папата Лео Четиринаесетти денеска разговараше со израелскиот премиер Бенјамин Нетанјаху и го повтори својот повик за итно прекинување на огнот во опколената палестинска енклава.
„Во телефонски разговор, Лео го повтори својот апел за обновување на преговорите и постигнување прекин на огнот и крај на војната“, соопшти Канцеларијата за печат на Ватикан.
Исто така, се известува дека папата Лео уште еднаш изразил загриженост за драматичната хуманитарна состојба на населението во Газа, чија потресна судбина е особено тешка за децата, старите лица и болните. Папата, исто така, ја повтори итноста од заштита на местата за богослужба.
Вчера, израелските сили извршија напад врз Црквата на Свето Семејство во Газа, единствената католичка црква во градот Газа, при што загинаа три лица, неколку беа повредени.
Во својата повеќемесечна смртоносна офанзива врз Појасот Газа, израелската војска бомбардираше неколку места за богослужба, вклучувајќи ја Баптистичката црква во Газа и грчката православна црква Свети Порфириј, најстарата во Појасот Газа и третата најстара во светот.
Црквата на Светото Семејство им обезбедува засолниште на многу раселени Палестинци од октомври 2023 година, кога започна немилосрдната израелска офанзива, во која загинаа повеќе од 56.000 луѓе. Нападите започнаа по упадот на Хамас во Израел на 7 октомври 2023 година, при што загинаа 1.300 луѓе, претежно цивили.
