МВР: Скопјанец тајно вградил уред за следење во возилото на сопругата, таа го пријавила откако била на сервис

МВР објави дека 49-годишна жена пријавила сомнеж дека нејзиниот сопруг и поставил уред за следење.

Таа тоа го утврдила откако го однела автомобилот на сервис, по што го пријавила случајот во полиција.

– На 14.03.2026 година во 02.30 часот во СВР Скопје, 49-годишна жена пријавила дека на 13.03.2026 година во автомеханичарски сервис во нејзиното возило бил пронајден уред за следење, при што посочила дека најверојатно го поставил нејзиниот сопруг А.С., со кого биле во бракоразводна постапка, објави МВР.

Се преземаат мерки за расчистување на случајот.