Камери на „Сејф Сити“ се поставуваат во уште еден голем македонски град

Во Струмица се поставува опремата за системот „Сејф сити“, кој овозможува автоматско регистрирање на сообраќајните прекршоци. Со воведувањето на системот се очекува да се зголеми безбедноста во сообраќајот и да се намали бројот на опасни прекршувања на правилата.

Камерите ќе овозможат откривање на несовесните учесници во сообраќајот, кои ќе можат да бидат санкционирани согласно законските прописи.

Со поставувањето на опремата, Струмица се приклучува кон градовите во кои се воведува „Сејф сити“. Засега нема официјална информација кога системот ќе започне со работа и кога ќе почне изрекувањето казни.