Во Истанбул уапсени повеќе од 400 луѓе за време на првомајските демонстрации 

Повеќе од 400 луѓе се уапсени денес во Истанбул за време на демонстрациите по повод Први мај, Меѓународниот ден на трудот, јави тамошното здружение на адвокати.

Дел од градот е парализиран за да се спречи какви било собирање на плоштадот Таксим.

„Бојот на уапсените надмина 400“, соопшти истанбулската гранка на Здружението на напредни адвокати (ЦХД).

Властите засега ништо не соопштиле.

Во Турција прославите на Меѓународниот ден на трудот служат како платформа не само за борбата за права на работниците туку и за пошироки повици за поддршка на демократските вредности, бидејќи демонстрантите планираа да протестираат и поради апсењето на опозицискиот градоначалник на Истанбул Екрем Имамоглу, пренесува Асошиејтед прес.