Холандската „ХЕРЕ технолоџис“ ќе ја мапира Македонија во 3-Д
Холандската компанија „ХЕРЕ технолоџис“ (HERE Technologies), како глобален лидер во дигиталното мапирање и услугите за локација, а како дел од напорите да се понудат најнапредните карти на светот, оваа пролет ќе мапира високо чувствителни тридимензионални мапи на Република Македонија.
ХЕРЕ, со цел да ги опфати многу чувствителните податоци на патиштата, вклучувајќи ленти и знаци на патот, во месец мај и јуни 2025 година ќе вози по македонските патишта и улици, со возило опремено со најнова технологија. Јасно обележеното „ХЕРЕ“-возило, покрај 3-Д и снимките на улично ниво, ќе опфати и други интересни точки, како што се продавници, бензински пумпи и ресторани. Овие информации ќе се користат за создавање информативно богати и подрбни мапи, направени за поддршка на целосно и делумно самуправувачки возила и други напредни услуги коишто ја подобруваат безбедноста на патиштата, го намалуваат сообраќајниот метеж и им овозможуваат на луѓето полесно возење во урбаните области“, соопшти компанијата.
Наредните недели возилото ќе патува по сите поголеми патишта низ целата земја и по улиците на некои градови. Целиот процес нема да го прекинува редовниот сообраќај.
„ХЕРЕ“ е посветена на почитување и заштита на приватноста на луѓето. Регистрираните снимки се чуваат во возилото и потоа во шифриран облик се пренесуваат и се чуваат во безбеден објект. По нивното пренесување, за откривање и замаглување на лица и регистарски таблички се преработуваат со софтвер и напредни алгоритми, водечки во технолошката индустрија. Снимките се објавуваат само по замаглување на лица и регистарски таблички.
Во ретките случаи, кога снимката не е правилно замаглена на „ХЕРЕ“, секој може да ја пријави оваа појава. Посетете ја официјалната картичка во долниот лев агол на мапата и кликнете на алатката „Пријави официјално“. На интернет-страната ќе може да дознаете повеќе за проектот, за тоа како платформата ја заштитува приватноста на корисниците и сниманите лица и други корисни информации.
