ФОТО: Од хеликоптери се фрлаат моркови за да се нахранат преживеаните животни во Австралија

Голем број хеликоптери се користат во операцијата која има за цел да ги нахрани животните кои ги преживеале големите пожари кои три месеци ја пеплосуваат Австралија.

Владата на Нов Јужен Велс пред една недела ја започна операцијата „Rock Wallaby“, а до сега од авионите се фрлени 2.200 килограми моркови и сладок компир.

Министерот за заштита на животна средина Мет Кин истакна дека многу животни успеале да се спасат и да избегаат од пожарите, но сега се надвор од своите живеалишта во непознати предели каде немаат пристап до храна.