Со новите авиолинии до пораст на туристите
Новите директни авиолинии од аеродромите во Охрид и Скопје позитивно влијаат врз туризмот. Овие проширувања значат збогатена авионска понуда со линии кон клучни европски центри и нови можности за патниците,туристите и дијаспората.
Професорите од областа на туризмот сметаат дека авиолинии значат дополнителен развој во главниот туристички центар а хотелиерите и угостителите треба да бидат подготвени за новите посетители.
Понудата во градот бележи нагорен тренд, сопствениците на хотелите ги реновираат и прилагодуваат своите капацитети согласно современите трендови.
Сооред добрите познавачи новите авиолинии не само што ќе ја стимулираат непосредната потрошувачка во туристичкиот сектор, туку ќе имаат и долгорочен ефект врз економијата.
Инаку во првите девет месеци од 2025 година, преку двата аеродрома патувале 2,58 милиони патници, што е раст од 6% во однос на минатата година. Бројот на патници во октомври ги надмина бројките од 2024 година за 12%, а бројот на летови е за 7% поголем.
