Седум навивачи се приведени по мечот меѓу Вардар и Шкупи

Вардар денеска со 6-1 го победи Шкупи, навивачите на црно-белите имаа свое шоу на трибините кое изгледаше спектакуларно, но по натпреварот имало и приведувања.

МВР соопшти дека се приведени седум лица кои биле на натпреварот:

„Денеска (30.11.2025) по завршување на фудбалскиот напревар во рамките на Прва македонска фудбалска лига одигран помеѓу екипите на ФК Вардар АД Скопје и ФК Шкупи Скопје одигран на спортскиот комплекс на ФФМ “Петар Милошевски”, поради сторени прекршоци со фрлање на пиротехнички средства од Законот за спречување на насилство на спортски натпревари, како и за нарушување на јавниот ред и мир со непристојно и дрско однесување и непочитување наредба на полициски службеници на две одделни локации на подрачје на град Скопје, приведени се вкупно седум лица и против истите ќе бидат преземени мерки согласно законските прописи“, стои во соопштението на МВР.