Пожар го проголта облакодерот на весникот Вјесник, еден од симболите на Загреб 

Синоќа околу 23 часот избувна пожар во облакодерот на весникот Вјесник, еден од симболите на Загреб.

Утрово сè уште гори облакодерот на Вјесник на Славонска авенија, каде што вчера избувна пожар малку пред полноќ, а делови од фасадата паѓаат. Пожарникарите од Загреб се бореа со пожарот цела ноќ. Се проценува дека ќе биде потребен цел ден за да се изгасне. 93 пожарникари со четириесетина возила го гаснат пожарот.

Пожарникарот и командант на смена Домагој Црниќ го опиша текот на интервенцијата.

„Првиот извештај го добивме во 23:04 часот, а потоа испративме возила да интервенираат. Со оглед на тоа што пожарот се разгоруваше секоја минута, го зголемувавме бројот на сили на терен, што го следевме и со возила. Вкупно имаше околу деведесет пожарникари со околу четириесет возила“, рече Црниќ.

Ситуацијата беше исклучително опасна бидејќи пожарот се ширеше од врвот на зградата надолу, додека пожарникарите беа на 13-тиот и 14-тиот кат. „Со задоволство можам да кажам дека нема повредени освен еден пожарникар кој малку ја свитка ногата. Постоеше закана пожарникарите да останат заробени меѓу катовите, но благодарение на нашата навремена интервенција, соодветна проценка и повлекување на долните катови, тоа не се случи“, нагласи командантот.