Официјално: Гоце Седлоски е нов тренер на Вардар 

Вардар утринава преку својот „Икс“ профил потврди дека Гоце Седлоски е новиот тренер на првиот тим, тој доаѓа на местото на Срѓан Захариевски кој вчера се раздели со црвено-црните.

„АД ФК Вардар го назначи Гоце Седлоски за нов шеф на стручниот штаб на клубот“,стои во краткото соопштение на Вардар.

Седлоски е четвртиот тренер оваа сезона на вардарци, претходно на кормилото беа Горазд Михаилов, Горан Петрески и Срѓан Захариевски.

Ова е и враќање на Гоце Седлоски на тренерската позиција на Вардар каде што претходно беше од 2015 до 2017. Во тој период двапати беше шампион на Македонија со црвено-црните.