Мурињо го сака Димитриевски во Фенербахче

Италијанскиот новинар Матео Морето објави дека тренерот на Фенербахче, Жозе Мурињо сака да го види нашиот Столе Димитриевски на голот на турскиот клуб.

Димитриевски мора да замине од Валенсија доколку сака да брани, а како опција сега се појавува и Фенербахче.

Досега се шпекулираше за трансфер на македонскиот голман во шпански клубови, но Морето тврди дека и Фенербахче е во игра.

Од Фенербахче би требало да си замине Доминик Ливаковиќ кој го загуби стартното место, прв голман на Фенер е Ирфан Чан Егрибајат, но и тој не импсресионира. Имаше просечен меч на првиот дуел со Феенорд во квалификациите од Лигата на шампионите.