Митревски отпатува во САД, ќе игра во НЦАА лигата

Македонскиот кошаркарски репрезентативец, Андреј Митревски, денеска замина за Соединетите Американски Држави, каде што ќе ја продолжи својата спортска кариера.

Младиот кошаркар, кој до неодамна ги бранеше боите на битолски Пелистер, во претстојната натпреварувачка сезона ќе настапува во силното НЦАА првенство.

Негов нов дом ќе биде Универзитетот Пасифик од Стоктон, Калифорнија.

Митревски е дел од одличната генерација млади македонски кошаркари кои во текот на ова лето успеаја да си обезбедат ангажмани во американскиот колеџ-систем.