Мечка се спушти во населените места на едно кривопаланечко село
Мечка се спушти низ улиците, во близина на населените места, на едно кривопаланечко село. Оваа информација ја споделија од Ловното здружение „Славишко поле“.
– Ловци, ценети жители на општина Ранковце, во село Петралица се појави кафеава мечка! Ве информираме дека со закон е СТРОГО ЗАШТИТЕН вид на дивеч, трајно забранет за застрел!
Ова е тревопасно животно и ви апелираме да не ја предизвикувате со било какви дејствија, таа сама ќе се повлече во шумските предели на нашите ловишта! – соопштија оттаму.
