Историски момент: Македонија за првпат имаше пара алпски скијачи на ФИС тркa во Австрија
Македонските пара алпски скијачи, Зоран Јовановски и Вангел Тркаљанов во придружба на тренерите Јане Стефанов и Петар Илиев настапија на две ФИС трки во Зурс, Австрија.
Ова е историски момент за македонскиот спорт, Јовановски и Тркаљанов се нашите први пара скијачи кои биле дел од официјално ФИС натпреварување.
На двете трки Зоран Јовановски го освои седмото место и заработи ФИС точки, додека Вангел Тркаљанов не успеа да ја заврши трката.
Претстојат уште трки според ФИС календарот на кои се очекува учество на нашите натпреварувачи, како и подготовки на предвидените кампови за пара скијање.
