Институт за војна: Огромни проблеми за Русија, Шојгу им дал на Чеченците нови инструкции 

Институтот за проучување на војната објави нова анализа и мапа на конфликтот во Украина, пренесе хрватски „Индекс“.

Во продолжение делови од анализата:

Рускиот министер за одбрана Сергеј Шојгу рече дека руските сили „ќе ја забрзаат специјалната воена операција“ во Украина на состанокот со чеченскиот лидер Рамзан Кадиров на 3 јуни.

Кадиров рече дека Шојгу „идентификувал нови задачи“ кои ќе ја подобрат ефикасноста на руските офанзивни маневри и ќе ја подобрат руската тактика. Кадиров не прецизираше какви задачи ќе преземат руските сили за да го забрзаат своето темпо.

На 3 јуни, руски воен блогер објави долга порака во која се тврди дека речиси целата 35. комбинирана армија била уништена во Изјум поради „неспособните руски команданти“.

Воениот блогер под псевдонимот Бојцовиј Кот Мурцизвести дека руските команданти не ги земале предвид борбените предизвици во шумите на Изјум, што довело до значителни загуби во 64. и 38. одделна гардиска мото-стрелачка бригада, за која тој објави дека сега има помалку од 100 војници.

Бојцовиј Кот Мурц тврди дека руските команданти не им ја обезбедиле потребната опрема на единиците кои се борат на пошумениот терен и дека навреме не ја санирале оштетената тешка артилерија. На руските сили, исто така, наводно им недостасувала ефикасна комуникација со командните центри и се потпирале на гласници.

Бојцовиј Кот Мурц истакна дека недостатокот на комуникација меѓу руските единици и командантите им овозможи на украинските сили да ги нападнат руските напредни позиции со беспилотни летала.