Избегнувајте ги: Предмети кои предизвикуваат сиромаштија

Ходникот е простор кој бара внимателно планирање – треба да биде функционален, естетски пријатен и уреден. Сепак, многумина го претвораат во складиште за обувки, јакни и торби, што може да остави неуреден впечаток, пишува „24 седам“.

Дополнително, некои предмети што често се поставуваат во ходникот можат да ја нарушат хармонијата на домот.

1. Суво цвеќе и кактуси

Иако вазната со суво цвеќе може да изгледа како едноставен украс, според принципите на фенг шуи, сувото или мртво цвеќе симболизира крај, стагнација и смрт. Поставувањето вакво цвеќе на влезот во домот привлекува негативна енергија.

Слично на тоа, и кактусите, иако популарни поради нивната издржливост и лесно одржување, според фенг шуи, не се идеални за влезниот простор. Се смета дека тие симболизираат сиромаштија и недостаток, а нивното присуство може да донесе финансиски потешкотии.

2. Темни или црни предмети

Ако вашиот ходник содржи црни или темни украсни предмети, како рамки за слики, вазни или фигури, тоа може дополнително да ја зголеми негативната енергија во просторот. Стручњаците препорачуваат црните и темните предмети да се заменат со посветли бои, како бела, сина или зелена, кои симболизираат радост, смиреност и благосостојба. Ако немате светли алтернативи, подобро е просторот да остане празен отколку да се исполни со предмети што привлекуваат негативност.

3. Огледала спроти влезната врата

Огледалата често се поставуваат во ходниците, но според фенг шуи, поставувањето на огледало директно спроти влезната врата може да предизвика губење на позитивната енергија што влегува во домот. Наместо тоа, огледалото може да се постави странично или на место каде што нема веднаш да се рефлектирате при влез. Ако огледалото е оштетено или скршено, треба веднаш да се замени, бидејќи оштетувањата симболизираат несреќа и дисхармонија.

Како да го уредите ходникот според фенг шуи?

Наместо погоре споменатите предмети, насочете се кон создавање пријатна и хармонична атмосфера. Светли бои, растенија што носат среќа (како бамбус или драцена), украси од кристали и природни материјали, како и внимателно осветлување, можат да внесат позитивна енергија и да го направат ходникот пријатно место за влез во домот.

Со вакво уредување, не само што ќе ја подобрите естетиката на просторот, туку ќе создадете и дом исполнет со хармонија и позитивна енергија.