ЕУ дозволува 17-годишници да возат камиони 

Европската унија донесе правило според кое на 17-годишниците им е дозволено да возат камион доколку се под надзор на искусен возач, а од 18 години можат и сами да го возат.

Предлогот е дел од пошироките напори за справување со растечкиот недостиг на возачи во Европа и секоја поединечна земја-членка ќе одлучи дали ќе го воведе.

Сепак, предлогот е критикуван од многу експерти кои стравуваат дека ќе влијае на безбедноста на патиштата. Ако може да се сумираат критиките, најчестиот став е дека младите на возраст од 17 години не се доволно зрели да се справат со предизвиците што доаѓаат со возењето тешки товарни возила.

Безбедната навигација во сообраќајот бара повеќе од технички вештини, а се верува дека расудувањето засновано на искуство е од суштинско значење за безбедноста, особено во сложениот сообраќај.

Наместо намалување на старосната граница, се предлагаат други мерки кои можат да ја направат возачката професија попривлечна за постарите и искусни лица. Подобрите работни услови, кои вклучуваат повисоки плати и побезбедна средина, можат да помогнат да се задржат квалификуваните возачи.

Исто така, ја нагласува потребата од пофлексибилно работно време и подобра обука за возачите да бидат подобро подготвени за работата.