Два гола и асистенција за Чурлинов во Турција

Македонскиот репрезентативец, Дарко Чурлинов го одигра најдобриот меч откако потпиша за Кочаелиспор, му даде два гола на Ерзурумспор, а имаше и асистенција.

Неговиот тим победи со 3-1, а за сите три гола е заслужен Чурлинов.

Македонецот во првото полувреме даде два гола, во 18. минута погоди со глава, а пред паузата зголеми на 2-0.

По осум минути игра во вториот дел асистираше за третиот погодок.

Чурлинов играше до 61. минута кога беше заменет.