Дарио Ивановски постави нов национален рекорд на 10.000 метри

Македонскиот атлетичар и стипендист на Македонскиот олимписки комитет (МОК), Дарио Ивановски постави нов национален рекорд на 10.000 метри.

Новото најдобро време во оваа дисциплина е 29:07.94 минути, постигнат на Купот на Македонија на Националната арена Тодор Проески.

Со овој резултат, Ивановски ја потврдува својата доминација на долги патеки и континуираниот напредок по неговиот настап на Летните олимписки игри во Париз 2024.

Под водство на тренерот Игор Јакимовски, тој продолжува да ги поместува границите на македонската атлетика и да поставува нови стандарди.