Гостивар во шок, ограбеното злато официјално вреди 1,8 милиони евра 

Во инцидентот синоќа во Гостивар, каде неколку вооружени и маскирани лица ограбија златарница во Гостивар, СВР Тетово изнесе детали. 

Како што рече гласноговорникот Фатмир Реџепи, лицата одзеле околу 18 килограми злато во вредност од 1,8 милиони евра, пренесува ТВ21. 

Тој додаде дека автомобилот за кој се сомнева дека лицата го користеле, бил пронајден изгорен во Маврово и е испратен на увид. 

Реџепи објави дека сторителите сè уште се недостапни за органите на прогонот..